ORÐASTAÐUR

Gleðimaðurinn

nýtur sín vel í samkvæmum og gleðskap [1]

en það þykir mikilvægara að gleðikona gleðji fremur aðra

en sjálfa sig,

gleði konunnar er því hans.

Þá kann einhver að segja:

Gleði hennar felst í greiðslunni.

Auðvitað kann gleði að vera fólgin í henni

og að liggja útglennt

fyrir framan

pabba þinn eða bróður

eiginmann eða son.

Fyrir framan þig.

---

[1] Sbr. malid.is