ORÐASTAÐUR

Ég hef ekki þrek

í druslugöngu

á hverjum einasta degi.

Einfaldara væri að biðja fólk

um að vanda mál sitt,

kenna því að nota ekki:

orð sem meiða, vanvirða, smækka,

uppnefna – orð sem svíður undan

því ljót orð verða ekki

tekin til baka.

Það er ekki hægt.

Það er hægt að segja

„fyrirgefðu“

en það er alltaf of seint.

Orð sem meiða eru eins og

meindýr, sníkill

sem borar sig inn undir húðina

vex þar og dafnar.

uns manneskjan er einungis

hýsill

svíðandi orða.

Ljóðið birtist í Metsölubókinni: Broddum

Mynd: JGT