ORÐASTAÐUR

Fegurðardrottning

Það er til uppskrift að konu
sem enn er vinsæl
þrátt fyrir að liðin sé nær
hálf öld frá því
að bent var á að kona er manneskja
en ekki markaðsvara:

1. Kona skal vera síðhærð til að unnt sé að greina hana betur frá karlkyni og lesbíum.[1]
2. Kona skal helst vera með pakkagult, aflitað hár.
3. Kona skal vera með svarbláar, kassalaga augabrúnir og nota vel af augnblýanti til að vera sem opineygust.
4. Kona skal vera með nettan nefstubb en miklar og þrýstnar varir.
5. Kona skal vera grönn en þrýstin, smágerð en mikil um brjóst, rass og mjaðmir.
6. Kona skal vera undirleit, hæglát og almennt til friðs.

Sé farið vandlega eftir uppskriftinni má smíða fegurðardrottningu.

[1] Einnig heppilegt til að auðvelda körlum að draga þær á hárinu inn í helli sinn.